پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ پێنجشەممە 16ی ئەیلوولی 2021 شاندی باڵای یەکێتی نیشتیمانی کوردستان و هاوپەیمانی نیشتیمانی لە بارەگای مەکتەبی سیاسی یەکێتی نیشتیمانی کوردستان کۆبوونەوە و لە کۆبوونەوەکەدا هەردوولا رێککەوتن لەسەر کارکردن بۆ سەرخستنی پڕۆسەی هەڵبژاردن.
دەقی راگەیەندراوی کۆبوونەوەی یەکێتی نیشتیمانی کوردستان و هاوپەیمانی نیشتیمانی:
لە چوارچێوەی ئامادەسازی و خۆسازاندن بۆ گۆڕانکاری و پێشهاتەکانی داهاتووی هەرێم و عێراق و ناوچەکە بەگشتی
وەفدی باڵای هەریەک لە یەکێتی نیشتیمانی کوردستان و هاوپەیمانی نیشتیمانی بە ئامادەبوونی هاوسەرۆکی یەکێتی نیشتیمانی کوردستان بافڵ تاڵەبانی و ئارام قادر سەرۆکی هاوپەیمانی نیشتیمانی، ئەمڕۆ 16/9/2021 لە بارەگای مەکتەبی سیاسی یەکێتی نیشتیمانی کوردستان کۆبوونەوە.
لە کۆبوونەوەکەدا، هەردوولا رێککەوتن لەسەر چەندین تەوەرەی گرنگ و پەیوەند بە خەڵکی کوردستان و عێراق، هاوکات پشتگیری و داکۆکیکردن لە پڕۆسەی چاکسازی لە سەرجەم جومگە و پێگە ئیداری و سیاسییەکان.
هەردوولا رێککەوتن لەسەر کارکردن بۆ سەرخستنی پڕۆسەی هەڵبژاردن و جەختکردنەوە لەسەر بەڕێوەچوونی هەڵبژاردنێکی پاک و بێگەرد و سەرخستنی دڵسۆزانی خەڵکی کوردستان و فراوانکردنی چەتری هاوپەیمانی لە داهاتوودا.
تەوەرێکی تری رێککەوتنەکە جەختکردنەوە بوو لەسەر کارکردن بۆ بنیاتنانی سیستمێکی سیاسی هاوچەرخ لەسەر بنەمای دادپەروەری و زامنکردنی مافەکانی مرۆڤ.