پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
پارێزگاری دهۆک رایگەیاند، “پەکەکە وا دەکات سیاسەتی سەدام حسێن لە کوردستان سەربگرێت و کوردستان ئاوەدان نەبێتەوە”، وتیشی: “دووپاتی دەکەینەوە هەرێمی کوردستان جێبهێڵن و بچنەوە بۆ شوێنەکانی خۆیان”.
ئەمڕۆ پێنجشەممە عەلی تەتەر، پارێزگاری دهۆک بە میدیاکانی پارتی راگەیاند، “بەداخەوە رۆڵەکانی پێشمەرگە لەسەر دەستی کەسانێک شەهید دەکرێن، کە لە دایک و باوکێکی کورد لەدایک بوون”.
وتیشی: “ئێمە نازانین ئامانجی ئەم گروپە چییە، چالاکییەکانیان لە خزمەتی گەلی کورددایە یاخود دوژمن!”، باسی لەوەشکرد، “ناکرێت تۆ گۆڕەپان و واقعی خۆت جێبهێڵیت و لە شوێنی خۆتەوە نەتوانی بەرگری بکەیت و بێیت لێرە بە شەهیدکردنی پێشمەرگە خۆت بەناوبانگ بکەیت”.
ئەوەشی خستەڕوو، “پەکەکە تەنیا پاشگری کوردستانیان بۆ خۆیان داناوە، ئەگینا تا ئێستا هیچ هەڵوێستێکی وامان لێیان نەبینیوە کە سودی بە کوردستان و گەلی کورد گەیاندبێت، ئامانجی ئەوان ئامانجێکە لە دەرەوەی داخوازی گەلی کوردستانە”.
قەیوان گروپ
مایۆرکا سیتی جوانییەک لە دڵی سروشتدا
