سەدر سێ‌ پەرلەمانتاری لە فراكسیۆنەكەی دەركرد

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

هاوپەیمانی سائیرون، كە رێبەری رەوتی سەدر، “موقتەدا سەدر” سەرۆكایەتی دەكات، رۆژی دووشەممە سێ نوێنەری خۆی لە رەوتەكەی دەركرد.

نەبیل تەرەفی، سەرۆكی هاوپەیمانییەكە لە ئەنجوومەنی نوێنەرانی عێراق، رایگەیاند: هەریەك لە ( بورهان مەعموری، عەلی سەعدون لامی و ئیناس مەكسوسی) لە هاوپەیمانی سائیرون لە ئەنجوومەنی نوێنەرانی عێراق دەركراون.

بە گوێرەی بڕیارەكە، هۆكاری دەركردنی ئەو سێ پەرلەمانتارە بۆ ئەوە دەگەڕێتەوە، پابەند نەبوون بە پەیڕەوی ناوخۆی هاوپەیمانییەكەوە و دەرچوون لەو بنەمایانەی بۆ كاری سیاسی هاوپەیمانییەكە دانراون.

دەركردنی ئەو نوێنەرانە لە كاتێكدایە، وادەی هەڵبژاردنی پێشوەختەی عێراق نزیك دەبێتەوە، كە بڕیارە رۆژی (10ی تشرینی یەكەمی داهاتوو) بەڕێوەبچێت و پێش دەستپێكردنی پرۆسەكە، پێویستە پەرلەمانی عێراق بە دەنگدان خۆی هەڵبوەشێنێتەوە.