نرخی نەوت بەرزبوەوە

پۆڵەتیك پرێس
بەراورد بە چەند رۆژی رابردو نرخی نەوت لە بازاڕەكانی جیهاندا بەرزبوونەوەی بەخۆیەوە بینی و نرخی یەك بەرمیل نەوتی خاوی برێنت بە ٧٢ دۆلار و 77 سەنت مامەڵەی پێوە كرا.

هاوكات، نرخی بەرمیلێك نەوتی خاوی ئەمریكیش بەرزبوونەوەی بەخۆیەوە بینی و بە ٦٨ دۆلار و 47 سەنت مامەڵەی پێوە كرا.

بەوەش بەراورد بە 24 كاتژمێری رابردو، نرخی نەوتی برێنت ١٢ سەنت بەرزبووەتەوە.

ئەمە لەكاتێكدایە، 23 ی ئەم مانگە نرخی بەرمیلێك نەوتی خاوی ئەمەریكی بە 67 دۆلار و 66 سەنت بوو.

لە ساڵی رابردودا بەهۆی بڵاوبونەوەی ڤایرۆسی كۆرۆنا نرخی نەوت بەشێوەیەكی بەرچاو دابەزی، بەڵام هەنگاوەكان بۆ رووبەڕووبونەوەی ڤایرۆسەكە و بەرهەمهێنانی ڤاكسین، نرخی نەوتی بەرزكردەوە.

هەرچەندە بەهۆی رێككەوتنی وڵاتانی ئۆپیك پڵەس لەسەر بەرزكردنەوەی ئاستی هەناردەی نەوت، جارێكی دیكە نرخی نەوت روی لە دابەزین كردەوە.