ئاسایشی سلێمانی باندێکی دزینی ئۆتۆمبێل ئاشکرا دەکات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

هێزەکانی سەربە بەڕێوەبەرایەتی ئاسایشی سلێمانی توانیان ئۆتۆمبێلی دزراوی هاوڵاتییەک بدۆزنەوە و تۆمەتبارێکیش دەستگیر بکەن.

بەڕێوەبەرایەتی ئاسایشی پارێزگای سلێمانی لە راگەیەندراوێکدا ئاماژەی بەوەکرد، “هێزەکانی سەر بە بەڕێوەبەرایەتی ئاسایشی پارێزگای سلێمانی لە درێژەی کار و چالاکییەکانیان، توانیان ئۆتۆمبیلی دزراوی هاوڵاتیەک بدۆزنەوە و تۆمەتبارێکیش دەستگیر بکەن، ئۆتۆمبێلەکە لە جۆری کریزلەر و پێشتر لەشاری بەغدا دزراوە و تۆمەتبار بەمەبەستی ساغکردنەوەی هێناوێتییە هەرێمی کوردستان”.

ئەوەش هاتووە، “لەدرێژەی کاروچالاکیەکانیدا بەڕێوەبەرایەتی ئاسایشی سلێمانی، بەمەبەستی پاراستنی سەرو ماڵی هاوڵاتیان، باندێکى دزینى ئۆتۆمبیل ئاشکرا دەکات کە لە پێشانگاکانى فرۆشتنى ئۆتۆمبیل لەشارى بغداد و هەرێم کاریان کردووە” .

بەپێی راگەیەندراوەکە، “باندەکە دوای فرۆشتنى ئۆتومبێلەکان چاودێرى کڕیارەکەیان کردووە و دواى چەند رۆژێک لە فرۆشتنى بە کۆپى سویچى ئۆتۆمبیلەکە کە لاى تاوانبارەکان خۆیان بووە ئۆتۆمبیلەکەیان دزیوە و هێناویانە لەهەرێم بیفرۆشنەوە”.

ئەوەش خراوەتەڕوو، “لە رۆژی 27ی حوزەیرانی رابردوو لەناو شاری بەغداد ئۆتومبێلی جۆری کریزلەر لە هاوڵاتیەکی دانیشتوی شاری خانەقین دزرا، بەپێی زانیاریەکان ئۆتومبێلە دزراوەکە بەرەو هەرێمی کوردستان هێنراوە”.

لە راگەیەندراوەکەدا ئەوەش هاتووە، “هێزەکانی ئاسایش لەسەر فەرمانى سەرۆکى دەزگای ئاسایشى هەرێم و بەفەرمانی دادوەر، توانیان لەرۆژی 30ی هەمان مانگ تۆمەتبارێکی باندەکە بەناوی ( هـ، ق، ڕ ) لەسەر ئەو تاوانە دەستگیربکەن و دوای لێکۆڵینەوە دانی بەتاوانەکەدا ناوە، تۆمەتبار بەفەرمانی دادوەر و بەپێی ماددەی 446 لەیاسای سزادانی عێراقی راگیراو و دەست بەسەر ئۆتۆمبێلەکەدا گیرا و ئۆتومبێلە دزراوەکە رادەستى خاوەنەکەی کرایەوە، پاش پێدانى زانیاریەکە بەدەزگا ئەمنیەکانى بغداد تەواوى باندەکە لەشارى بغداد دەستگیرکراون”.

قەیوان گروپ

 


مایۆرکا سیتی جوانییەک لە دڵی سروشتدا