بەهۆ گەشتێکەوە بووە خاوەنی سامانێک

پۆڵەتیک پرێس

کیڤن بوکەری بەڕیتانی نەیدەزانی گەشتی ڕۆشتن و هاتنەوەی بۆ کار کە دووریەکەی 70 میلە دەبێتە هۆی بەدەست هێنانی سامانێک و سێ ژمارەی پێوانەی گینس.

کیڤن بوکەر هەستا بە خوێندنی شێوازی چۆنیەتی دابینکردنی بەنزین بۆ کاتێکی زیاتر و بەفیڕۆنەدانی، لەکاتی لێخوڕیندا وازی لە سوڕانەوە و چەمانەوە هێنا هەروەها نیشانەکانی ترافیک لایتیشی بە باشی خوێند بۆئەوەی لە ترافیکدا نەوەستێت ئەمەش 30 بۆ 40 جونیەی ئستەرلینی لە مانگێکدا بۆ دەگەڕانەوە.

کیڤن جەختی لەوە کردوە شۆفێریکردن بە کارامەیی زۆر قورسترە وەک لەوەی بەشێوەیەکی ئاسایی شۆفێری بکەیت، چونکە دەبێت شێوازەکانی ڕێگا بە باشی بخوێنیت بۆئەوەی شۆفێر ناچار نەبێت لەپڕ بوەستێت یان لەپڕ بە خێراییەکی زۆر بڕوات، هەر ئەم کاراماییەشی وایلێکرد سامانێکی گەورەی بۆ بگەڕێتەوە.