پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
جێگری بەڕێوەبەری گشتی تەندروستی سلێمانی رایگەیاند، بەهۆی خراپی رەوشتی تەندورستیەوە داوا دەكەن پێش دەستپێكردنەوەی پرۆسەی خوێندن وەرگرتنی ڤاكسین لەلایەن مامۆستایان و فەرمانبەرانەوە بكرێت بەمەرج.
هێرش سەلیم جێگری بەڕێوەبەری گشتی تەندروستی سلێمانی راگەیاند، ئێستا لەقۆناغی چارەسەر دەرچوون، بۆیە دەبێت پێدانی ڤاكسین و خۆپارێزی چڕتر بكرێنەوە.
وتیشی، “هەفتەی داهاتوو هەڵسەنگاندن بۆ ئامارەكانی بڵاوبونەوەی كۆرۆنا لەسنوری پارێزگای سلێمانی دەكەین”.
هاوكات باسی لەوەكرد، پێویستە پێش كردنەوەی دەرگای قوتابخانەكان هەمو مامۆستایان و فەرمانبەران ڤاكسینی كۆرۆنا وەربگرن و وەرگرتنی ڤاكسین بكرێتە مەرج.
پێشتر وەزارەتی پەروەردەی هەرێم رۆژی 14ی ئەیلولی ئەمساڵی وەك یەكەم رۆژی دەستپێكی پرۆسەی خوێندنی بە ئامادەبووی تەواوی ناو پۆل دیاریكرد.