پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
جێگری سه‌رۆكی حكومه‌تی هه‌رێمی كوردستان له‌دیدارێكدا له‌گه‌ڵ شاندێكی ئه‌‌مریكیدەكات هه‌نگاوه‌كانی به‌ره‌نگاربونه‌وه‌ی تیرۆر زیاتر چڕ بكرێنه‌وه و هه‌ماهه‌نگییه‌كانی نێوان هاوپه‌یمانان و هێزه ئه‌منییه‌كانی عێراق و هه‌رێمی كوردستان زیاتر بكرێن.
به‌گوێره‌ی راگه‌یه‌ندراوێكی نوسینگه‌ی راگه‌یاندنی جێگری سه‌رۆكی حكومه‌تی هه‌رێم، قوباد تاڵه‌بانی ئه‌مڕۆ پێشوازی له له شاندێكی ئه‌مریكی به سه‌رۆكایه‌تیی پۆڵ گرۆوڤ له ئه‌نجومه‌نی پیران كردوه و پێكه‌وه له‌باره‌ی هه‌ڵبژاردنه گشتییه‌كانی ئه‌نجومه‌نی نوێنه‌ران و كۆمه‌ڵێك پرسی تر گفتوگۆیان كرد، هه‌ردولا له‌باره‌ی چۆنییه‌تی به‌ڕێوه‌چونی هه‌ڵبژاردنی ئه‌نجومه‌نی نوێنه‌ران و سیناریۆكانی پاش هه‌ڵبژاردن گفتوگۆیان كرد و له‌باره‌ی ئاسایش و دۆخی ئابوری عێراقیش بیروڕایان گۆڕییه‌وه.
له‌راگه‌یه‌ندراوه‌كه‌دا ئەوەشهاتووە ، قوباد تاڵه‌بانی بیروبۆچونی خۆی له‌باره‌ی هه‌نگاوه‌كانی چاكسازیكردن له سیستمی سیاسی عێراق پێشكه‌ش به شاندی میوان كرد و به گرنگییه‌وه باسی له پێویستیی ده‌ركردنی یاسای نه‌وت و گاز كرد بۆ باشتركردنی ڕه‌وشی ئابوری.
هه‌ر به‌گوێره‌ی راگه‌یه‌ندراوه‌كه، قوباد تاڵه‌بانی داوایكردوه”هه‌نگاوه‌كانی به‌ره‌نگاربونه‌وه‌ی تیرۆر زیاتر چڕ بكرێنه‌وه و هه‌ماهه‌نگییه‌كانی نێوان هاوپه‌یمانان و هێزه ئه‌منییه‌كانی عێراق و هه‌رێمی كوردستان زیاتر بكرێن”.
قەیوان گروپ
مایۆرکا سیتی جوانییەک لە دڵی سروشتدا
