پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
هاوپەیمانێتی عەزم ئەمڕۆ چوارشەممە تۆمەتی کۆنتڕۆڵکردنی شەقامی سوننەی خستەپاڵ هاوپەیمانێتی پێشکەوتن بە سەرکردایەتی محەمەد حەلبوسی، سەرۆکی بەرلەمانی عێراق.
هاوپەیمانێتی عەزم و پێشکەوتن، دوو جەمسەری سەرەکی رکابەری هەڵبژاردنی سەرۆکایەتی پەرلەمانن لەو ناوچانەی زۆرینەی دانیشتوانەکانیان سوننەن.
لەلایەکی دیکەوە هودا جەبوری، پەرلەمانتاری عێراق رایگەیاند، پێکهاتەی سوننە بۆ هەمووانە و لەژێر دەستی یەک پارت یان یەک لایەنی سیاسی و پەرلەمانیدا نییە، بۆیە ناکرێت هاوپەیمانێتی پێشکەوتن هەوڵی کۆنتڕۆڵکردنی شەقامی سوننە بدات لەپێناو بەدیهێنانی ئامانجەکانی هەڵبژاردنی داهاتوو.
وتیشی: هاوپەیمانێتی پێشکەوتن دەیەوێت سەرجەم پۆستەکانی حکومەتی فیدڕاڵی و حکومەتی ناوخۆیی لەسەر حسابی پارتە سیاسییەکانی دیکە بگرێتەدەست.
ئەوەش لەکاتێکدایە، بڕیارە رۆژی 10ی تشرینی یەکەمی ئەمساڵ هەڵبژاردنی پێشوەختەی عێراق ئەنجام بدرێت.
قەیوان گروپ
مایۆرکا سیتی جوانییەک لە دڵی سروشتدا
