پۆڵەتیک پرێس
بەرهەمەکانی مەیک ئاپ بەشێکی زۆر خانمان ڕۆژانە بەکاریدەهێنن، بەڵام کاتی بەسەرچونیان نازانن، چونکە بەشێکی زۆری بەرهەمەکان کاتی بەسەرچونیان بەڕوونی لەسەر نییە.
هەڵگرتن و بەکارهێنانی بەرهەکان بۆماوەیەکی دوور و درێژ دوای تێپەڕبوونی کاتی بەسەرچونیان زیان بە تەندروستی پێست دەگەیەنن و دەبنە هۆی کێشەکانی پێست، زانایانی بواری جوانکاری دەڵێن بەگشتی بەرهەمەکانی مەیک ئاپ کاتی بەسەرچونیان لە دوو بۆ سێ ساڵدایە دوای کردنەوەیان بەڵام دەشگۆرێت و هەندێک لە بەرهەمەکان کاتیان لەسەرە.
زانایانی بواری جوانکاری باسیان لەوە کرد پێویستە مەیک ئاپ لە شوێنی سارد و وشکدا دوور لە تیشکی خۆر هەڵبگیرێت، دوای بەسەرچونی ماوەکەی پێویستە یەکسەر فڕێ بدرێت، چونکە بۆن و رەنگیشی دەگۆرێت و لەسەر پێست نامێنیتەوە، ئەمەش جگە لەوەی هۆکارێکە بۆ دروستبوونی کێشەکانی پێست.
ماوەی بەسەرچوونی هەندێک لە بەرهەمەکانی مەیک ئاپ:
-ماسکارا
ماسکارا بۆماوەی ساڵێک بەرگە دەگرێت، بەڵام ئەگەر بەشێوەیەکی ڕاست هەڵنەگیرێت ئەوا لە شەش مانگ زیاتر بەرگە ناگرێت و وشک دەبێتەوە.
-کۆنسیلەر
کۆنسیلەر بۆماوەی 12 بۆ 18 مانگ دەتوانرێت بەکاربهێنرێت.
-سوراو
سوراو بۆماوەی 12 بۆ 24 مانگ دەتوانرێت بەکاربهێنرێت دوای ئەوە بەسەر دەچێت، لەگەڵ ئەوەشدا هەر کاتێک بۆنی تێکچووبوو راستەوخۆ فڕێی بدە چونکە ئەوە تێکچووە.
-فڵچەی مەیک ئاپ
ئەگەر بە باشی و زوو زوو پاک بکرێتەوە بۆ چەندین ساڵ بەرگە دەگرێت.
-ئایلاینەر
ئایلاینەر بۆماوەی 12 مانگ بەکاردەهێنریت، ئەگەر لەو ماوەیە زیاتر بەکاربهێنرێت چاوت توشی بەکتریا دەبێت.