پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بڕیارە لە چەند مانگی داهاتوودا كۆمپانیاكانی بواری دۆزینەوەی نەوت بە مەبەستی دەرهێنانی نەوت لە كێڵگە نەوتییەكانی سنورەكە، بگەڕێنەوە بۆ گەرمیان.
عەباس ئەنوەر، وتەبێژی ئیدارەی گەرمیان بە پۆڵەتیك پرێسی راگەیاند: زانیاریمان هەیە لەسەر ئەوەی كە كۆمپانیاكانی نەوت لە چەند مانگی داهاتوودا دەگەڕێنەوە بۆ سنوری گەرمیان، بەڵام وردەكاری هاتنەوەیان و چۆنیەتی كاركردنییان لەلای وەزارەتی سامانە سرووشتییەكانی حكومەتی هەرێمە.
وتیشی: چاوەڕوان دەكرێت ژمارەی كۆمپانیاكان گۆڕانكاریان بەسەردابێت.
بەگوێرەی زانیارییەكانی پۆڵەتیك پرێس، ئەو كۆمپانیایانەی بواری نەوت كە دەگەڕێنەوە بۆ سنوری گەرمیان، بڕیارە لە ناوچەكانی ناحیەی شێخ تەویل و سەرقەڵا دەست بكەن بە پشكنین و گەڕان و دۆزینەوەی نەوتی سنورەكە.