دوو هێرشی جیا بۆسەر دیالە قوربانی لێکەوتەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرچاوەیەکی ئەمنی رایگەیاند، ئەمڕۆ سێشەممە دوو هێرشی جیای چەکدارانی داعش بۆسەر پارێزگای دیالە قوربانی لێکەوتەوە.

ئەو سەرچاوەیە بە میدیا عێراقییەکانی راگەیاند، چەکدارانی داعش بە چەکەوە هێرشیان کردووەتەسەر خاڵی ئاسایشی فەوجی سێی سوپا لە گوندی عالی لە باکوری قەزای مقدادیە کە بە دووری 40 کیلۆمەتر دەکەوێتە باکوری رۆژهەڵاتی بەعقوبە.

ئەو سەرچاوەیە ئاشکرایکرد، لە ئەنجامی هێرشەکە سێ ئەندامی سوپا بوونەتە قوربانی و حاڵەتی بریندارەکان مەترسیدارە.

هەر ئەمڕۆ و لە هێرشێکی دیکەدا لە ناوچەیەکی دەروبەری حەمرین بۆمبێکی چێندراو گەڕێکی فەوجی سەربازی چواری دەستەی حەشدی شەعبی کردەئامانج و بەهۆیەوە ئەندامێکیان گیانی لەدەستدا و سیانی دیکەش بریندارن.