پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆکی ئێران رایگەیاند، وڵاتەکەی گرنگی دەدات بە سەقامگیربوونی ئەفغانستان و پابەندبوون بە سیاسەتی مامەڵەکردنێکی باشی هاوسێیانە.
ئیبراهیم رەئیسی، سەرۆکی ئێران ئاشکرای کرد، وڵاتەکەی هەوڵ دەدات بۆ هێنانەدی سەقامگیری ئەفغانستان و داوا لە سەرجەم لایەنەکانی ئەو وڵاتەی هاوسێی دەکات بگەنە رێککەوتنی نیشتیمانی.
ئەوەشی خستەڕوو، شکستی سەربازی ئەمریکا و کشانەوەی هێزەکانی لە ئەفغانستان، پێویستە ببێتە هەلی ژیانی نوێ و ئاسایش و ئاشتی بەردەوام لەو وڵاتە.
ئیبراهیم رەئیسی باسی لەوەش کرد، ئاسایش و سەقامگیری ئەفغانستان تەنیا لەڕێی رێزگرتنی ئیرادەی گەلی ستەملێکراو بەدیدێت.
ئەوەش لەکاتێکدایە، دوێنێ یەکشەممە بزوتنەوەی تاڵیبان لەدوای کۆنترۆڵکردنی زۆربەی ویلایەتەکانی ئەفغانستان، دەستی بەسەر کابوڵی پایتەختدا گرت و لە ئێستاشدا پشێوییەکی زۆر لە کابوڵ دروستبووە.