هێرش سەید سەلیم: ئەگەر هاووڵاتیان پابەندبن بەرێنماییەكان ڤایرۆسی كۆرۆنا نامێنێت

ئەم بابەتە 61 جار بینراوە

پۆڵەتیك پرێس:
هێرش سەید سەلیم جێگری بەڕێوەبەری گشتی تەندروستی سلێمانی لەگفتوگۆیەكی لەگەڵ “پۆڵەتیك پرێس” چەند تەوەرێك دەخاتەڕوو، باس لەوەش دەكات، كە ئەگەر هاووڵاتیانی هەرێمی كوردستان پابەندی رێنماییە تەندروستییەكان بن، ئەوە ڤایرۆسی كۆرۆنا نامێنێت‌و بەسەر نەخۆشییەكە زاڵ دەبن.

هێرش سەید سەلیم لەسەرەتای گفتوگۆكە سەبارەت بەدیاریكردن‌و كەمكردنەوەی نرخی نەخۆشخانە تایەتییەكان لەلایەن وەزارەتی تەندروستییەوە بۆ چارەسەری تووشبووانی ڤایرۆسی كۆرۆنا وتی: من وەك جێگری بەڕێوەبەری تەندروستی گشتی سلێمانی ئەمجۆرە بڕیارە سەرلەبەری رەتدەكەمەوە بەبڕیارێكی نازانستی دەزانم.

 

نەخۆشخانە تایبەتەكان بەئارەزووی خۆیان نەخۆشی كۆرونایان وەرگرتووەو رێكاری پێویستیشیان نەگرتووەتە بەر، كە بەدڵنیایی ئەوە كاردانەوەی خراپی دەبێت‌و دەبێت وەزارەتی تەندروستی رێكاری پێویستی بۆ بگرێتەبەر

 

جێگری بەرێوەبەری تەندروستی سلێمانی وتیشی: نەخۆشخانە تایبەتەكان بەئارەزووی خۆیان نەخۆشی كۆرونایان وەرگرتووەو رێكاری پێویستیشیان نەگرتووەتە بەر، كە بەدڵنیایی ئەوە كاردانەوەی خراپی دەبێت‌و دەبێت وەزارەتی تەندروستی رێكاری پێویستی بۆ بگرێتەبەر.

لەجەژنی قوربان، ژمارەیەكی زۆر لەگەشتیارانی ناوچەكانی ناوەڕاست‌و باشووری عێراق روویان لەپارێزگای سلێمانی كرد، كە ئەوە وەك مەترسییەك سەیركرا بۆ بەرزبوونەوەی ژمارەی تووشبووانی ڤایرۆسەكە.

لەو بارەوە هێرش سەید سەلیم وتی: راستە لەماوەی رابردوو ژمارەیەكی زۆر لەگەشتیاران روویان لەپارێزگای سلێمانی كرد، بەڵام بەرێژەیەكی كەمتر نەخۆشانی ڤایرۆسی كۆرۆنا تۆماركراوەو خۆشبەختانەش لە ئێستادا هەواڵی دڵخۆشكەرمان هەیە بۆ هاوڵاتیانی شاری سلێمانی، كە ئەویش ئەوەیە بەڕیژەیەكی زۆر باش تووشبووانی كۆرۆنا كەمبووەتەوە.

 

راستە لەماوەی رابردوو ژمارەیەكی زۆر لەگەشتیاران روویان لەپارێزگای سلێمانی كرد، بەڵام بەرێژەیەكی كەمتر نەخۆشانی ڤایرۆسی كۆرۆنا تۆماركراوەو خۆشبەختانەش لە ئێستادا هەواڵی دڵخۆشكەرمان هەیە بۆ هاوڵاتیانی شاری سلێمانی، كە ئەویش ئەوەیە بەڕیژەیەكی زۆر باش تووشبووانی كۆرۆنا كەمبووەتەوە

 

هێرش سەلیم باسی لەوەش كرد، ئێستا خەڵكی زۆر پاندی ریینماییە تەندروستییەكان نابن، ئەگەر بێت‌و هاووڵاتیان بەتەواوی پابەندی رێنماییەكان ببن، ئەوە بەدڵنیایی نەخۆشییەكە نامێنێت.

 

ئێستا خەڵكی زۆر پاندی ریینماییە تەندروستییەكان نابن، ئەگەر بێت‌و هاووڵاتیان بەتەواوی پابەندی رێنماییەكان ببن، ئەوە بەدڵنیایی نەخۆشییەكە نامێنێت

 

سەبارەت بەدەستخستنی ڤاكسینی دژە كۆرۆنا، كە بەم دوایانە روسیا دروستكردنی ئەو ڤاكسینەی راگەیاند، هێرش سەلیم وتی: ئێمە وەك تەندروستی سلێمانی تائێستا هیچ شتیكمان نەكردووە، بۆ كڕینی ڤاكسینی دژە كۆرۆنا، بۆ ئەوەش دەبێت هەرێمی كوردستان هەماهەنگی لەگەڵ حكومەتی عێراق هەماهەنگی بكەن، تا لەگەڵ كۆمپانیا جیهانییەكان گرێبەست بكەن‌و ڤاكسینی دژە كۆرۆنا دەست بخەن.

پەخشی راستەوخۆی رادیۆ پۆلەتیک