پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەهۆی بڵاوبوونەوەی ڤایرۆسی كۆرۆنا لەناو چاكسازی گەورانی سلێمانی سەردانیكردنی كەس و كاری زیندانیان بۆ چاكسازی گەورانی سلێمانی ڕاگیرا.
یادگار حاجی، توێژەری دەرونی و لێپرسراوی هێزی جێبەجێكردن لە بەڕێوەبەرایەتیی چاكسازیی گەورانی سلێمانی بەپۆڵەتیك پرێس-ی راگەیاند: بەهۆی بڵاو بووەنەوەی ڤایرۆسی كۆرۆنا لەناو چاكسازی گەورانی سلێمانیدا و مەترسییەكانی زیاد بوونی پەتاكە بەفەرمانی وەزیری كاروكاروباری كۆمەڵایەتی سەردانیكردنی كەس و كاری زیندانیان بۆ چاكسازی گەورانی سلێمانی ڕاگیراوەو ئەو هەوڵەش بۆ ئەوەیە رێگە لەتەشەنەسەندنی ڤایرۆسەكە بگرن.
لێپرسراوی هێزی جێبەجێكردن لە بەڕێوەبەرایەتیی چاكسازیی گەورانی سلێمانی، ئاماژەی بەوەشكرد، داوا لە تەندروستی سلێمانی دەكەن بە زووترین كات ڤاكسینی كۆرۆنا لە زیندانیان بدرێت تا ڕێگە لە تەشەنە سەندنی ڤایرۆسەكە لەناو چاكسازیی گەورانی سلێمانی بگیرێت.
لەماوەی رابردوودا لە بەڕێوەبەرایەتیی چاكسازیی گەورانی سلێمانی بەهۆی پەتای كۆرۆناوە دوو زیندانی گیانیان لە دەستداوە و لە ئێستادا زیندانییەكی دیكە تووشی كۆرۆنا بووە و لە ژێر چاودێری پزیشیكیدایەو كەرەنتینەكراوە.
قەیوان گروپ
مایۆرکا سیتی جوانییەک لە دڵی سروشتدا
