جارێكی دیكە ڤانگال وەك راهێنەری هۆڵندا دیاریكرا

یەكێتی‌ تۆپی‌ پێی هۆڵندا بۆ جاری سێهەم لویس ڤانگالی وەك راهێنەری هەڵبژاردەی وڵاتەكەی دیاریكرد.

یەكێتییەكە لە بەیاننامەیەكدا ئاشكرای‌كردووە، لەگەڵ ڤانگال رێكەوتوون تاوەكو ئەركی راهێنەرایەتی هەڵبژاردەی وڵاتەكە لە ئەستۆ بگرێت.

ئاماژەی بەوەشكردووە، ڤانگال تاوەكو دوای مۆندیالی 2022 لە ئەركەكەی بەردەوام دەبێت.

ڤانگال لە ساڵی‌ 2000 بۆ 2002 بۆ جاری یەكەم و لە 2012 بۆ 2014 بۆ جاری دووەم وەك راهێنەری هۆڵندا كاری كردووە.