كۆمەك بۆ لوبنان كۆدەكرێتەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

بە ئامانجی كۆكردنەوەی هاوكاری بۆ لوبنان، كۆنگرەیەكی نێودەوڵەتی لە فەڕەنسا بەڕێوەدەچێت.

سەرۆكایەتی فەڕەنسا بڵاویكردەوە، بڕیارە رۆژی 4 ی ئەم مانگە، كە هاوكاتە لەگەڵ تێپەڕبوونی یەك ساڵ بەسەر تەقینەوە گەورەكەی بەندەری بەیروت، بە سەرپەرشتی فەڕەنسا و نەتەوە یەكگرتووەكان، كۆنگرەیەكی نێودەوڵەتی لە پاریس بەڕێوەبچێت، كە ئامانجی كۆبوونەوەكە كۆكردنەوەی بڕی 350 ملیۆن دۆلارە، بۆ هاوكاریكردنی دانیشتووانی لوبنان و تێپەڕاندنی ئەو قەیرانە ئابوورییە سەختەی ئەو وڵاتەی گرتووەتەوە.

رۆژی 4 ی ئابی 2020، بڕی دوو هەزار و 750 تەن ماددەی نیتراتی ئەمۆنیۆم لە بەندەری بەیروت تەقیەوە و بەهۆیەوە زیاتر لە 200 كەس گیانیان لە دەستدا و شەش هەزار و 500 كەسی تریش برینداربوون.

بە گشتی ئەو تەقینەوەیە زیانی 10 بۆ 15 ملیار دۆلاری بە لوبنان گەیاند و حكومەتیش دەستی لە كاركێشایەوە.

پەخشی راستەوخۆی رادیۆ پۆلەتیک