پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەندامێكی پەرلەمانی كوردستان رایگەیاند، بەهۆی ئەوەی لەساڵی 2014 ەوە تا ئێستا زیاتر لە 45 هەزار فەرمانبەر خانەنشین بوون و لەجێگەی ئەو فەرمانبەرانەی كەخانەنشین بوون حکومەت دەتوانێت نزیكەی 50 هەزار فەرمانبەری گرێبەست و مامۆستای وانەبێژ بكات بەهەمیشەیی.
سەرچنار ئەحمەد ئەندامی لیژنەی دەسپاكی لەپەرلەمانی كوردستان، بەپۆڵەتیک پرێسی راگەیاند،حكومەت لە هەنگاوی یەكەمدا دەتوانێت لەجێگەی ئەو فەرمانبەرانەی كەخانەنشین بوون نزیكەی 50 هەزار فەرمانبەری گرێبەست و مامۆستای وانەبێژ بكات بەهەمیشەیی و پێداویستی وەزارەت و دام و دەزگاكانی پێپڕبكاتەوە.
وتیشی، بەگوێرەی ئەو ئامارانەی لەبەڕێوەبەرایەتی خانەنشینی هەرێمەوە پێیان دراوە ساڵانە شەش هەزار فەرمانبەر خانەنشین دەبن و لەساڵی 2013 بۆ 2014 تا ئێستا جێگەی ئەو فەرمانبەرانە پڕنەكراوەتەوە كەژمارەیان زیاتر لە45 هەزارە.
باسی لەوەشكرد، پێویستە شوێنی فەرمانبەرانی خانەنشین بوو بە فەرمانبەرانی گرێبەست پڕبكرێتەوە كە چەند ساڵە گرێبەستن و مافی خۆیانە ببنە هەمیشەیی.
بەوتەی ئەو پەرلەمانتارە، ئەگەر حكومەت بییەوێت دەتوانێت وانەبێژان و فەرمانبەرانی گرێبەست بكات بەهەمیشەیی و هیچ بارگرانییەكیش لەرووی داراییەوە لەسەر حكومەت دروست ناكات لەبەر ئەوەی حكومەت خۆی دەڵێت بەپێی یاسای چاكسازی داهاتێكی زۆر بۆحكومەت دەگەڕێتەوە.
بەپێی ئامارەكان، لەئێستادا لەهەرێمی كوردستان 30 هەزار فەرمانبەری گرێبەست و 20 هەزار مامۆستای وانەبێژ چاوەڕێن حكومەتی هەرێم بیانكات بەهەمیشەیی و زیاتر لە پێنج هەزار سێ یەكەمی دەرچووی زانكۆو پەیمانگاكانیش چاوەرڕێی دامەزراندن دەكەن.