پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەری نەخۆشخانەی منداڵان لەسلێمانی رایدەگەیەنێت “لەگەڵ هاتنی وەرزی گەرمادا سکچوون و ڕشانەوە زۆر زیاد ئەکات لە ناو منداڵاندا و داواش لە دایکان و باوکان دەکات بەبێ سەرچاوەی زانستی چارەسەر بۆ منداڵەکانیان بەکارنەهێنن”.
پشدەر عەبدوڵڵا، پزیشکی پسپۆڕی نەخۆشیەکانی منداڵان و گەشەی منداڵان و بەڕێوەبەری نەخۆشخانەی د.جەمال بۆ منداڵان رایگەیاند “بەهۆی کاریگەری بەرزی پلەی گەرما و پیسبوونی سەرچاوەی ئاو و خراپ هەڵگرتنی خۆراک و گەشەکردنی هەندێک بەکتریا لەو پلە گەرمیەدا سکچوون و ڕشانەوە زۆر زیاد دەكات”.
دەشڵێت “هۆکارەکانی سکچوون و ڕشانەوە زۆرن ناكرێت لەخۆوە چارەسەر بەكار بهێنرێت”.
بەوتەی بەڕێوەبەری نەخۆشخانەی منداڵان بۆ ڕێگەگرتن لە تووشبوون بە سکچوون و ڕشانەوە باشترە ئەم هەنگاوانە بنێیت”:-
١-هەموو ئاوێک بکوڵێنە ئینجا ساردی بکەرەو بۆ خواردنەوە بەکاری بهێنە.
٢-خواردن لەناو سەلاجە هەڵبگرە.
٣-سەورزە میوە پێش خواردنی جوان بشۆرەوە.
٤-زوو زوو دەستی منداڵەکەت بشۆ بەتایبەت دوای تەوالێت کردن.
٥-پاک و خاوێنی تەوالێت و حەمام زۆر گرنگە.
٦-بەکارنەهێنانی خاولی و پەرداخ و کەوچکی یەکتر.
٧-دوورکەوتنەوە لەخواردنی دەرەوە بەتایبەت ئەوانەی سەر عەرەبانەکان.
٨-باش کوڵاندنی گۆشت و خواردنەکان.