پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكی ئەمریكا لەنوێترین پەیامدا پێشنیازی بۆ بەرپرسانی ناوخۆی وڵاتەكەی كردووە، لەبەرامبەر وەرگرتنی ڤاكسین بڕی 100 دۆلار بە ئەو كەسانە بدرێت كە پێكوتەكە وەردەگرن.
بەمەبەستی زیادکردنی رێژەی کوتان و پاراستنی کۆمەڵگە و رزگارکردنی ژیانی خەڵک، جۆ بایدن، سەرۆکی ئەمریکا داوای لە ویلایەت و حكومەتە خۆجێییەكانی وڵاتەكەی كردووە بڕی 100 دۆلار بە هەر هاوڵاتیەكی ئەمریكی بدەن لەبەرامبەر وەرڤرتنی ڤاكسین.
وەزارەی خەزانەی ئەمریکاش ئامادەیی نیشانداوە کە هاوکارییە تەکنیکییەکان پێشکێش بە ویلایەت و حکومەتە خۆجێییەکان بکات بۆئەوەی بەشێوەیەکی کاریگەر هاوکارییە داراییەکە بۆ پاڵپشتیی کوتانی هاوڵاتییان بە ڤاکسین بەکاربهێنن.
ئەم بڕیارەی بایدن لەكاتێكدایە، سەربار هەڵكشانی حاڵەتەكانی توشبوون و گیانلەدەستدان بە كۆرۆنا، بەڵام پرۆسەی کوتان بە ڤاکسین لە ئەمریکا بەشێوەیەكی بەرچاو بەسستی بەرێوە دەچوو.