ئەرجەنتین و فەرەنسا ماڵئاواییان لە ئۆڵۆمپیادى تۆكیۆی كرد

 

هەردوو هەڵبژاردەی تۆپی پێی ئەرجەنتین و فەڕەنسا لە ركابەرییەكانی ئۆڵۆمپیادی تۆكیۆی 2020 كرانە دەرەوەو نەیانتوانی سەركەوتن بۆ قۆناغی دواتر بەدەستبهێنن.

لە كۆمەڵەی سێیەمدا هەڵبژاردەی ئیسپانیا و ئەرجەنتین رووبەڕووی یەكبوونەوە و هەردولا بە گۆڵێك یەكسان بوونن بەو ئەنجامەش ئیسپانیا خۆی گەیاندە قۆناغی چارەكی كۆتایی پاڵەوانێتییەكە.

لە هەمان كۆمەڵەدا، هەڵبژاردەی میسر بردنەوەیەكی گرنگی بەدەستهێنا و بە دوو گۆڵی بێبەرامبەر لە ئوسترالیای بردەوە، بەوەش میسریش هاوشێوەی ئیسپانیا گەشت بە قۆناغی چارەكی كۆتایی.

لە یارییەكی دیكە كە ئەنجامێكی چاوەڕوان نەكراوی لێكەوتەوە، ژاپۆن توانی بە چوار گۆڵی بێ بەرانبەر لە فەرەنسا بباتەوە، بەو ئەنجامەش فرەنسا هاوشێوەی ئەرجەنتین ماڵئاوایی كرد.

لە یارییەكانی دیكەدا بەرازیل توانی بە سێ گۆڵ بەرانبەر بە گۆڵێك لە سعودییە بباتەوەو بە یەكەمی كۆمەڵەكەی سەركەوێت، هاوكات كۆت دیڤوار لە ئەڵمانیای بردەوەو بە دووەمی كۆمەڵەكەی سەركەوتنی بەدەستهێنا، بەوەش سعودییەو ئەڵمانیا ماڵئاواییان لە پاڵەوانێتییەكە كرد.

پەخشی راستەوخۆی رادیۆ پۆلەتیک