سوودەکانی خواردنی ماست پێش خەوتن

پۆڵەتیک پرێس

ماست ئەگەر بەڕێژە و جۆرێکی گونجاو بخورێت بەگشتی سوودێکی تەندروستی زۆری هەیە، بەڵام دەتوانرێت وەک ژەمێکی سووک شەوان پێش خەوتن بخورێت بۆ ئەوەی سوودێکی زیاتری هەبێت.

ماست ڕێژەیەکی زۆر پڕۆتینی تێدایە هەستی تێربوون زیاد دەکات ئەمەش ڕێگایەکی باشە بۆ دوورکەوتنەوە لە خواردنی شیرینی و خواردنە خێراکان لەشەودا بەمەش ڕێگری لە زیادبوونی کێش دەکات، هەروەها دەوڵەمەندە بە مەگنسیۆم و کرداری خەو باشتر دەکات.

شەوان پێش خەوتن خواردنی ماست یارمەتی هێورکردنەوەی ماسولکەکان و مێشک دەدات و ڕێگری لە تێکچوونی خەو و ئارەق کردنەوە دەکات، ترشی ئەمینی تێدایە یارمەتی مێشک دەدات بۆ دەردانی ئەو هۆرمۆنانەی کە یارمەتی کەسەکان دەدەن خەوێکی قوڵ و زیاتریان هەبێت.