پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
به‌ڕێوه‌به‌ری كۆمپانیای دابه‌شكردنی خۆراك له سلێمانی ڕایگەیاند، ئەو ماددە خۆراکییانەی بۆ بەشەخۆراكی مانگانەی هاوڵاتیان لەلایەن وەزارتی بازرگانی حکومەتی عێراقەوە زیادكرابوون گەیشتووەتە كۆگاكانی بەڕێوەبەرایەتییەکانی دابەشكردنی خۆراك و سبه‌ینێ ده‌ست به دابه‌شكردنی دەكرێت.
شه‌وكه‌ت محه‌مه‌د به‌ڕێوه‌به‌ری كۆمپانیای دابه‌شكردنی خۆراك له سلێمانی، بەپۆڵەتیك پرێسی ڕاگەیاند، بڕیارە لە رۆژی سێشەممە 27ی تەمموز دەست بكرێت بەدابەشكردنی سەلەی خۆراك بەسەر هاوڵاتیاندا و مادەكانیش بریتین لە فاسۆلیا، برنج، دۆشاوی تەماتە، نۆك، رۆن و شه‌كر.
وتیشی، بەگوێرەی بڕیاری وەزارەتی بازرگانی حکومەتی عێراق بڕیاربوو حەوت جۆر بەشەخۆراک دابەش بکرێت بەسەر هاوڵاتیاندا، بەڵام لەئێستادا نیسك كە یەكێكە لەبەشە خۆراكەكان نەگەیشتووەتە كۆگاكان تا دابەشبكرێت بەڵام لەماوەیەکی نزیکدا ئەویش دەگات و دابەش دەكرێت.
دابەشكردنی سەلەی خۆران بەسەرهاوڵاتیاندا لەكاتێكدا دێت پێشتر وەزارەتی بازرگانی حكومەتی عێراق بڕیاریدا مادده‌كانی به‌شه‌خۆراكی هاوڵاتیان له سێ جۆر مادده‌وه بۆ حه‌وت بەشە خۆراک زیاد بكات.
قەیوان گروپ
مایۆرکا سیتی جوانییەک لە دڵی سروشتدا
