پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری تەندروستی هەرێم رایدەگەیەنێت “لەماوەی 24 کاتژمێری ڕابردوو زۆرترین ژمارەی توشبووی کۆرۆنا تۆمارکرا و دۆخەكە خراپە”.
سامان بەرزنجی، وەزیری تەندروستی هەرێم لە كۆنگرەیەكی رۆژنامەوانیدا رایگەیاند “سبەینێ لیژنەی باڵای روبەڕوبوونەوەی کۆرۆنا لەهەرێم کۆدەبێتەوە و بڕیار و ڕێنمایی نوێ دەردەکرێت”.
وتیشی “تەنها لە ماوەی 24 کاتژمێری ڕابردوودا لەكۆی 17 هەزار و 141 پشكنین سێ هەزار و 559 حاڵەتی نوێی توشبوون بەكۆرۆنا تۆماركراوە، 13 توشبووش گیانیان لەدەستداوە و هەزار و 41 كەسیش چاكبونەتەوە.
بەوتەی سامان بەرزنجی، لەسەرەتای سەرهەڵدانی كۆرۆنا تائێستا ئەو ژمارە تۆمارنەكراوە، ئەوەش مانای ئەوەیە کە دۆخەکە خراپە و پێدەچێت لە ماوەی داهاتوودا ژمارەکان زیاتر بن.
وەزیری تەندروستیی هەرێم ئاماژەی بەوەشكرد، ئەمڕۆ ئەنجومەنی وەزارەتی تەندروستیی کۆدەبێتەوە و ژمارەیەک ڕاسپاردە و پێشنیاز ئامادە دەکات و سبەینێ لیژنەی باڵای بەرەنگاربوونەوەی کۆرۆنا کۆدەبێتەوە و ئەو پێشنیازانەیان دەخەنە بەردەم.