پۆڵەتیک پرێس_
ئەندامێکی سکرتارییەتی یەکێتی مامۆستایانی کوردستان رایگەیاند، ” مامۆستایان پەیامی خۆیان داوەتە وەزارەتی پەروەردە و ئەگەر بەڵێنی (30) رۆژ جارێک موچەمان پێنەدەرێت، ناچینە ژێر باری کردنەوەی دەرگای قوتابخانەکان”.
بەرهەم مستەفا، ئەندامی سکرتارییەتی یەکێتی مامۆستایانی کوردستان کە هاوکات لە پشکی گۆرانە بە میدیا حزبەکەی ڕاگەیاندووە، ” بۆ دەستپێکردنی پرۆسەی خوێندنی (2020-2021) چەند پێشنیارێکیان ئاڕاستەی وەزارەتی پەروەدە و ئەنجومەنی وەزیران کردووە، داوایان کردووە پرۆسەی خوێندنی ئەمساڵ نەفەوتێت”.
نزیکەی ملیۆنێک و (800) هەزار خوێندکار لە هەرێمی کوردستان هەن
وتیشی، “هەموو هەوڵێک دەدرێت بۆ ئەوەی پرۆسەی خویندنی ئەمساڵ لە (21-9-2020) دەستپێبکاتەوە، بەڵام یەکێک لە مەرجەکانیان ئەوەیە ئەگەر بەڵێنی (30) رۆژ جارێک موچە نەدرێت بە مامۆستایان، ئەوا ناچینە ژێر باری کردنەوەی دەرگای قوتابخانەکان”.
ئاماژەی بەوەشکرد، “نزیکەی ملیۆنێک و (800) هەزار خوێندکار لە هەرێمی کوردستان هەن، ناکرێت بەهۆی کۆرۆناوە لە خوێندن بێبەشبکرێن، لە کاتێکدا دەوام لەسەرجەم سێکتەر و فەرمانگە حکومییەکان دەستیپێکردۆتەوە، بۆیە دەبێت حکومەت کۆمەڵێک رێنمایی و رێکاری تەندروستی هەن لە ناو پۆلەکان بیگرێتەبەر”.
قەیوان گروپ
مایۆرکا سیتی جوانییەک لە دڵی سروشتدا
