كاروانێكی دیكەی ڤاكسینی كۆرۆنا گەشتە عێراق

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی تەندروستی و ژینگەی عێراق گەیشتنی 500 هەزار دۆزی دیكەی ڤاكسینی كۆرۆنا لە جۆری فایزەر راگەیاند.

كۆمپانیای گشتیی بە بازاڕكردنی دەرمان و پێدوایستییە پزیشكییەكانی سەر بە وەزارەتی تەندروستی و ژینگەی عێراق لە راگەیەنراوێكدا ئاماژەی بەوەداوە كە رۆژی یەكشەممە، كاروانێكی دیكەی ڤاكسینی كۆرۆنا لە جۆری فایزەر، گەیشتووەتە عێراق كە 500 هەزار دۆزە.

بەپێی وتەی كۆمپانیاكە، ڤاكسینەكان لە رێگای ساردكەرەوەی تایبەتەوە رەوانەی بنكە و فەرمانگە تەندروستییەكان لە پارێزگاكان و هەرێمی كوردستان كراون.

لە 11 ی نیسانی رابردوو، یەكەم كاروانی ڤاكسینی فایزەر لە ئەمریكاوە گەیشتە عێراق.

تا ئێستا یەك ملیۆن و 265 هەزار و 645 كەس لە عێراق، دۆزی یەكەم و دووەمی ڤاكسینی كۆرۆنایان وەرگرتووە.