پۆڵەتیک پرێس_
هێزێكی سعودیە كە لە ژمارەیەك سەرباز پێكدێن بە یاوەری هێزێكی سوپای ئەمریكا گەیشتنە رۆژئاوای كوردستان و بەدیاریكراوی شاری حەسەكە.
كەناڵی روسیا ئەلیەوم لە زاری سەرچاوەكانیەوە بڵاویكردەوە هێزێكی وڵاتی سعودیە بە یاوەری هێزێكی سوپای ئەمریكا گەیشتنە شاری حەسەكەی رۆژئاوای كوردستان.
كەناڵەكە دەڵێت، “ئەو هێزەی سعودیە لە 20 سەرباز پێكدێن و لە بنكەی تاجی عیراقەوە چوونەتە سوریا، ئاماژەشی بەوەدا ئەو هێزە بۆ ئەوە نەچوونەتە بنكەی شەدادی شاری حەسەكە تا بمێننەوە و جێگیر بن، بەڵكو دەگەڕێنەوە وڵاتەكەی خۆیان”.
بەپێی كەناڵی ئەلعالەمی ئێران-یش “هێزەكەی سعودیە لە 26ی ئەم مانگەدا چوونەتە شاری حەسەكەی رۆژئاوای كوردستان”.
لە شاری حەسەكەی رۆژئاوای كوردستان ژمارەیەك بنكەی سەربازی ئەمریكا هەیە لەنێویاندا بنكەی شەدادی كە لە سنووری كارگەی غاز لە باشووری رۆژئاوای شەدادییە.
قەیوان گروپ
مایۆرکا سیتی جوانییەک لە دڵی سروشتدا
