پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆك وەزیرانی عێراق رایدەگەیەنێت “سەرجەم ئەنجامدەرانی تەقینەوەكەی سەدر ڕوبەڕووی دادگا و گەل دەكرێنەوە و دەبنە پەند بۆ هەموو دەستدرێژیكەرێكی تاوانبار”.
ئێوارەی رۆژی دووشەممەی رابردوو، 19ی ئەم مانگە تەقینەوەیەكی خۆكوژی لە بازاڕی “الوحیلات” ی ناوچەی سەدری شاری بەغداد ڕوویدا و بەهۆیەوە 30 كەس كوژران و 50ی دیكەش برینداربوون.
مستەفا كازمی لە تویتێكدا كە بە زمانەكانی عەرەبی، كوردی و ئینگلیزی بڵاویكردووەتەوە رایگەیاند “فرمێسك و ژانە دڵی خێزانی شەهیدانی شارۆچكەی سەدر ڕێنیشاندەرمان بوون بۆ دەستگیركردنی ئەو تۆڕە تیرۆریستییە ترسنۆكانەی كە پلانداڕێژەر و جێبەجێكەری هێرشە تیرۆریستییەكەی بازاڕی الوحیلات بوون”.
دەشڵێت “سەرجەمیان ڕوبەڕووی دادگا و گەل دەكرێنەوە و دەبنە پەند بۆ هەموو دەستدرێژیكەرێكی تاوانبار”.