پۆڵەتیک پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی تەندروستی حکومەتی هەرێمی کوردستان نوێترین ئاماری ڤایرۆسی کۆرۆنای بڵاو کردەوە.
بەگوێرەی ئامارێکی وەزارەتی تەندروستی هەرێم کە ئەمڕۆ پێنجشەممە ٢٢ ی تەموزی ٢٠٢١ بڵاویکردەوە، لە ماوەی ٢٤ کاتژمێری ڕابردوودا هەزار و ٢٢٠ توشبووی کۆرۆنا تۆمارکراون، ٢٢ توشبووش گیانیان لەدەستداوە.
ئامارەکەی وەزارەتی تەندروستی ئاماژەی بەوە کردووە، “لە ماوەی ٢٤ کاتژمێری ڕابردوودا ٧٠١ توشبوو چاکبوونەتەوە، کە ١٢٠ کەسیان لە هەولێر و ٢٢٧ کەس لە سلێمانی و ٣٢٠ توشبوو لە دهۆک و ٣٤ توشبووش لە هەڵەبجە و گەرمیان و ڕاپەڕین چاکبوونەتەوە”.
لەبارەی ئاماری گشتی هەرێمیش وەزارەتی تەندروستی ڕایگەیاندووە، ٢٠٩ هەزار و ٢٢٠ کەس تووشی کۆرۆنا بوون، لە کۆی توشبووانیش ١٨٩ هەزار و ٤٨١ کەس چاکبوونەتەوە، هاوکات لە سەرتاسەری هەرێم چوار هەزار ٦٤٨ کەس بە ڤایرۆسی کۆرۆنا گیانیان لەدەستداوە.