رێگای سه‌ره‌كی قه‌زایه‌كی هه‌رێم دادەخرێت

پۆڵه‌تیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

به‌هۆی مەترسی درزی تەنیشتە لاری کەمەربەندی سۆران رێگەی کەمەربەندی سۆران _ باپشتیان داده‌خرێت و رێگه‌ی لاوه‌كی ده‌كرێته‌وه‌.

قائیمقامیەتی سۆران لە راگەیاندراوێکدا بڵاویکردووەتەوە، سەردانی مەیدانیان بۆ شوێنی “درزی تەنیشتەلاری” رێگای كەمەربەندی سۆران کردووە و بڕیاریانداوە بەوەی لە سێیەم رۆژی جەژن ده‌كاته‌ رۆژی 22/7/2021 رێگاکە دابخرێت.

ئەوەش هاتووە، هەوڵی کردنەوەی رێگای لاوەکی دەدرێت بۆئەوەی گرفتی هاتوچۆ دروست نەبێت، بەڵام ئاشکرایان نەکردووە، ئەو رێگا لاوەکییە کوێ دەبێت.

لەماوەی رابردوودا هاوڵاتیان و لایەنی پەیوەندیدار هۆشداریاندا لە مەترسی داڕمانی کەمەربەندی سۆران و باسیان لەوە دەکرد، کە ئەو درزەی لە کەمەربەندەکەدا هەیە زیادیکردووە.

درزی کەمەربەندی سۆران _ باپشتیان به‌درێژی یه‌ك كیلۆمه‌ترو به‌پانی زیاتر له‌مه‌ترێك له‌لاته‌نیشتی رێگه‌ی سه‌ره‌كی قه‌زای سۆران كه‌به‌ کەمەربەندی سۆران _ باپشتیان ناسراوه‌ دروست بووه‌ ئه‌وه‌ش مه‌ترسی لای هاوڵاتیان دروستكردووه‌.