له‌سێ ڕووداوی هاتووچۆدا 17 كەس بوونە قوربانی

پۆڵه‌تیك پرێس

سێ ڕووداوی هاتوچۆ لە ناوچه‌ جیاجیاكانی  هەرێمی كوردستان ڕوویانداو به‌هۆی رووداوه‌كایشه‌وه‌ 17كەس بوونە قوربانی.

بەڕێوەبەرایەتی هاتوچۆی سلێمانی لە ڕاگەیەندراوێكدا بڵاویكرده‌وه‌، لەسەر ڕێگای سلێمانی – عەربەت ڕووداوێكی هاتوچۆ لە نێوان دوو ئۆتۆمبێل ڕوویدا و بەهۆیەوە كەسێك گیانی لە دەستدا و پێنج كەسی تریش بریندار بوون.

هاوكات هه‌ر ئه‌مڕۆ هه‌ینی 9ی ته‌مموز، محەمەد ئامۆكەی،لێپرسراوی ڕاگەیاندنی تەندروستی شەقڵاوە ڕاگەیاند، لە ئەنجامی پێكدادانی دوو ئۆتۆمبێل لەسەر ڕێگەی نێوان هەردوو گوندی خرواتان و باویان لە نزیك ناحیەی هەریر 3كەس گیانیان لە دەستدا و كەسێكی تریش بە سەختی برینداربووە و بە مەبەستی چارەسەر بریندارەكە ڕەوانەی نەخۆشخانەی هەولێر كراوە.

ئێواره‌ی ئه‌مڕۆش، له‌ئه‌نجامی وه‌رگه‌ڕانی ئۆتۆمبێلێك له‌ جۆری “تۆیۆتا هایلۆكس” له‌سه‌ر رێگای نێوان قه‌ڵادزێ – ھه‌ڵشۆ لەنزیك گوندی شێخ ئاودەڵان، چوار كه‌س گیانیان له‌ده‌ستدا و سێ كه‌سی دیكه‌ش برینداربون كه‌ سه‌رجه‌میان ئه‌ندامی یه‌ك خێزانن.

به‌گوێره‌ی راگه‌یه‌ندراوی به‌ڕێوه‌به‌رایه‌تییه‌كانی هاتوچۆ، رووداوه‌كان به‌هۆی تیژره‌وی و پابه‌ند نه‌بوونی شۆفێرانه‌ به‌یاساو رێنماییه‌كانی هاتوچۆ.

پەخشی راستەوخۆی رادیۆ پۆلەتیک