پۆڵەتیک پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بنکەی عەین ئەسەد لەپارێزگای ئەنبار لەرۆژئاوای عێراق لەڕێی 14 موشەکەوە کرایەئامانج و بەپێی نوێترین زانیارییەکان تا ئێستا سێ کەس بریندارن.
هێزەکانی هاوپەیمانی نێودەوڵەتی لەبەیاننامەیەکدا رایگەیاند، کاتژمێر 12:30 خولەک بەکاتی ناوخۆ، بنکەی سەربازی عەین ئەسەد لەپارێزگای ئەنبار لەڕێی 14 موشەکەوە کرایەئامانج.
ئەوەش هاتووە، موشەکەکان کەوتوونەتە ناوەوە و دەوروبەری بنکەکە و سیستمەکانی بەرگری موشەکی کاراکراون بەمەبەستی پاراستنی هێزەکانی هاوپەیمانان لەو بنکەیە.
بەپێی سەرچاوەیەکی ئاگادار موشەکەکان لەناوچەی بەغدادیەی سەربە قەزای هەیت لەڕۆژئاوای ئەنبارەوە هەڵدراون و هێزە ئەمنییەکانی عێراق گەماڕۆی ئەو ناوچەیەیان داوە بەمەبەستی دەستگیرکردنی ئەنجامدەرانی هێرشە موشەکییەکە.
سەرچاوەیەکیش ئاماژەی بەوەکرد، بەهۆی وەڵامدانەوەی ئەمریکا بۆ ئەو شوێنەی موشەکەکانی لێهەڵدراوە، چوار ماڵ و ئۆتۆمبێلێک سوتاون.
بنکەی سەربازی عەین ئەسەد کە بەگەورەترین بنکەی سەربازی ئەمریکییەکان لەعێراق دادەنرێت، ماوە ماوە دەکرێتە ئامانج و دوایین جاریشیان رۆژی دووشەممە بوو کاتێک لەڕێی سێ موشەکەوە کرایەئامانج.