پۆڵەتیک پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
جێنین هێنیس پلاسخارت، نوێنەری نەتەوەیەکگرتووەکان لەعێراق رایگەیاند، ئەو هێرشەی شەوی رابردوو کرایەسەر فڕۆکەخانەی نێودەوڵەتی هەولێر، عێراق بەرەو نادیار دەبات.
ئەمڕۆ چوارشەممە پلاسخارت لەتویتەری خۆی رایگەیاند، هێرشە بەردەوامەکان و دوایین هێرشیش کە هێرشەکەی شەوی رابردووی هەولێر بوو، سوکایەتییە دژ بە سەروەری یاسا.
ئەوەشی خستەڕوو، ئەم رووداوانە وڵات بەرەو نادیار دەبەن و باجەکەشی هەر گەلی عێراق دەیدات.
پلاسخارت جەختی لەوەشکردەوە، نابێت هەڕەشە بکرێتەسەر شەرعیەتی دەوڵەت لەلایەن کۆمەڵە توندڕەو و چەکدارەکانەوە.
شەوی رابردو کاتژمێر 11:30 خولەک بە فڕۆکەی بێفڕۆکەوانی بۆمبڕێژکراو هێرش کرایە سەر فڕۆکەخانەی نێودەوڵەتی هەولێر.