پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆک وەزیرانی عێراق چەند بڕیارێکی دەرکرد بەمەبەستی چارەسەرکردنی قەیرانی کارەبا کە لەئێستادا شار و ناوچە جیاجیاکانی عێراقی گرتووەتەوە.
ئەمڕۆ هەینی مستەفا کازمی، سەرۆک وەزیرانی عێراق بڕیاریدا شانەی قەیران بەبەشداری وەزارەتەکانی کارەبا و نەوت و دارایی و ناوخۆ و ئەمنیداری گشتی ئەنجومەنی وەزیران و سەرۆکی دەزگای ئاسایشی نیشتیمانی پێکبهێنرێت بەمەبەستی روبەڕوبوونەوەی گرفتەکانی کارەبا.
بەپێی بڕیارەکەی کازمی، ئەرکەکانی ئەو شانەیە کە هەر خۆی سەرۆکایەتی دەکات بریتیە لەگرتنەبەری رێوشوێنی خێرا و پێویست بۆ زیادکردنی سەعاتەکانی دابینکردنی کارەبا لەبەغدا و پارێزگاکانی دیکەی عێراق.
هاوکات، بڕیاریدا بەدابینکردنی سەرجەم شێوەکانی پشتیوانی دارایی و تەکنیکی و لۆجستی و ئەمنی بۆ وەزارەتی کارەبا و بەشداریپێکردنی حکومەتە ناوخۆییەکان لەبوارەکانی بەرهەمهێنان و دابەشکردنی کارەبا.
ئەم بڕیارانەی مستەفا کازمی دوای ئەوە دێت، ئەمڕۆ هەینی لەبەغدا و چەند پارێزگایەکی دیکەی عێراق سیستمی گشتی کارەبا لەکارکەوت.