پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆکی هاوپەیمانی فەتح داوایکرد هێزەکانی ئەمریکا بەخێرایی لەعێراق بکرێنەدەرەوە و وتی: مانەوەی ئەمریکا واتە نەمانی خزمەتگوزاری و ئاسایش لەعێراق.
هادی عامری، سەرۆکی هاوپەیمانی فەتح رایگەیاند، بەبوونی هێزەکانی ئەمریکا لەعێراق و جێبەجێکردنی ئەجێندای ئیسرائیلییەکان، سەقامگیری و بوژانەوەی عێراق بوونی نامێنێت.
وتیشی: سەقامگیری ناوچەکە لەگەڵ سەقامگیربوونی عێراقدا دێتەئاراوە، کە تا ئەمریکا لەسەر خاکەکەمان بوونی هەبێت سەقامگیری و بوژانەوە بەخۆیەوە نابینێت.
هادی عامری داوای لەسەرجەم عێراقییەکان و لایەنە حکومییەکان کرد، فشار بخەنە سەر ئەمریکا، وتیشی: ئەمریکا هیچ دۆکیومێنتێکی یاسایی و دەستووری پێنییە بۆ مانەوەی هێزەکانی لەخاکی عێراق.
بڕیارە مستەفا کازمی، سەرۆک وەزیرانی عێراق بەمزووانە بچێتە ئەمریکا بەمەبەستی تاوتوێکردنی پرسی مانەوەی هێزەکانی ئەمریکا لەعێراق.