یەکێتی ئەوروپا جارێکی دیکە لەسەر کەیسی سزادراوانی بادینان هاتەدەنگ

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

یەکێتی ئەوروپا هەڵوێستی نوێی خۆی لەبارەی سزادانی پێنج چالاکوانەکەی بادینان راگەیاند و جەختی لەگرنگی ئازادی رادەربڕین و ئامرازەکانی راگەیاندن و دادگای سەربەخۆ کردەوە و رایگەیاند، “لەفشارە سیاسیەکانی سەر کەیسی چالاکوانانی بادینان نیگەرانین”.

لەبەیاننامەکەی یەکێتی ئەوروپادا هاتووە، یەکێتی ئەوروپا و نێردە دیبلۆماسییەکانی وڵاتانی ئەندام لەناو یەکێتی ئەوروپا داوا لەدەسەڵاتدارانی هەرێمی کوردستان دەکەن، چاو بە راسپاردە سەرەکییەکانی راپۆرتی نەتەوەیەکگرتووەکاندا بخشێننەوە، بەتایبەتی ئەوانەی پەیوەستن بە هەراسانکردن و ترساندن و تۆڵەسەندنەوە دژی رۆژنامەنووسان و بەرگریکارانی مافەکانی مرۆڤ و چالاکوانان.

هەر لەبەیاننامەکەدا داوایان کرد یاسای تاوانەکان وەک ئامرازێک بۆ نەهێشتنی ئازادی رادەربڕین بەکارنەهێنرێت.

یەکێتی ئەوروپا ئاماژەی بەوەشکرد، ئازادی رادەربڕین و ئامرازەکانی راگەیاندن و دادگای سەربەخۆ لەپێکهاتە سەرەکییەکانی دیموکراسین.

رۆژی 27ی حوزەیرانی 2021، دەستەی سزایی دوو، دووبارە بڕیاری سزادانی پێنج چالاكوان و رۆژنامەنووسی بادینانی بڵاو كردەوە كە بڕیارەكە رۆژی 20ی حوزەیران دەرچووە! كە بۆ هەریەكێكیان سزای شەش ساڵ زیندانی دیاری كراوە لەلایەن دادگای دووی تاوانەكانی هەولێر.