سپۆڕتی كەتەلۆنی هێرش دەكاتە سەر كومان

پۆڵەتیك: سپۆڕت

لە سەرو بەندی بڵاو بوونەوەی هەواڵی ڕۆیشتنی لیۆ میسی پادشا و دڵبەری هاندەرانی بەرشەلۆنە ئیدی هەموو میدیای ئیسپانیا كەوتە بڵاو كردنەوەی هەواڵ و زانیاری ورد سەبارەت بەو پرسە و چەندان پرسی تری نزیك لەو پرسە و تەواوی هەواڵەكانی تری ئەم كاتی یانەی بەرشەلۆنە.

ڕۆژنامەی Sport ی كەتەلۆنی لەو نێوەندەدا هەستا بە هێرش كردنە سەر ڕۆناڵد كومانی ڕاهێنەری نوێی یانەكە بە بڵاو كردنەوەی هەواڵێك و كۆمەڵێك فۆتۆی تایبەت كە تیایدا فۆتۆی یاریزانانی بەرشەلۆنەی داناوە بەرامبەر بە یاریزانانی یانەی بایرن میونخی ئەڵمانی پاڵەوانی 3 نازناوی ئەم وەرزەی ئەڵمانیا و ئەوروپا لەگەڵ بڵاو كردنەوەی هەواڵەكەشدا پرسیار ئاراستەی كومان دەكات و دەنووسێت: ئایا تۆ چۆن ڕاهێنەرێكیت بڕیاری لەو شێوەیە دەدەیت داوا لە پیكێ‌ و بۆسكێس و ئالبا و ڕۆبێرتۆ دەكەیت بمێننەوە گوایە وەرزی داهاتوو پشتیان پێ‌ دەبەستیت، بەڵام میسی لە یانەكە دەكەیتە دەرەوە.

ڕۆژنامە بەر بڵاوەكەی كەتەلۆنیا دەشنووسێت: كێشەكانی بەرشەلۆنە ئەو چوار ناوەن كە تۆ داوای مانەوەت لێ‌ كردوون بە چ پێوەرێك تۆ دەتەوێت وەرزی داهاتوو كێبڕكێ‌ بە یاریزانانێك بكەیت كە سەرچاوەی كێشەی یانەكە بوون لە چەند ساڵی ڕابردوودا.

لە كۆتاییشدا ڕۆژنامەكە فۆتۆی جەستەی یاریزانانی بایرن و ئەو یاریزانانەی بەرشەلۆنەی بەرامبەر بە یەكتر داناوە و پێشكەشی كومانی كردووە.

دانەر ئەسڵان

قەیوان گروپ

 


مایۆرکا سیتی جوانییەک لە دڵی سروشتدا