پۆڵەتیک پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
مەزڵوم عەبدی، فەرماندەی گشتی هێزەکانی سوریای دیموکرات داوای لەهاوپەیمانانی نێودەوڵەتی کرد ژن و منداڵ و چەکدارانی داعش کە هێشتا لەرۆژئاوای کوردستاندان بگەڕێنرێنەوە بۆ وڵاتانی خۆیان.
لەتویتێکدا مەزڵوم عەبدی رایگەیاند، ئەمڕۆ دووشەممە هاوپەیمانانی نێودەوڵەتی لە رۆمای پایتەختی ئیتاڵیا کۆدەبنەوە بەمەبەستی بەزاندنی تەواوەتی چەکدارانی داعش، وتیشی: پێویستە لەبیرمان نەچێت هێشتا دەیان هەزار ژن و منداڵ و چەکداری داعش لەکەمپ و ناوەندەکانی دەستبەسەرکردنی رۆژئاوای کوردستاندا بوونیان هەیە.
هاوکات، داوایکرد هاوپەیمانانی نێودەوڵەتی یارمەتیدەر بن لەگەڕاندنەوەی ئەو کەسانە بۆ وڵاتانی خۆیان و پشتیوانی بەرنامەی خوێندن و روبەڕوبوونەوەی توندوتیژی بکەن و هاوکاربن لەسەقامگیری و بوژاندنەوەی ئابووری لەناوچە ئازادکراوەکان بەمەبەستی چارەسەرکردنی هۆکارەکانی توندڕەوی.
بڕیارە ئەمڕۆ دووشەممە لە رۆمای پایتەختی ئیتاڵیا هاوپەیمانانی نێودەوڵەتی کۆبوونەوەیەک ئەنجام بدەن بەمەبەستی کۆتاییهێنان بە کۆمەڵە چەکدارەکانی داعش.
قەیوان گروپ
مایۆرکا سیتی جوانییەک لە دڵی سروشتدا
