پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەشێكی زۆر لەئەندامانی پەرلەمانی كوردستان رایدەگەیەنن كابینەی نۆی حكومەتی هەرێم بووه به سیمبول و سیمای قۆرغكاریی و تاكڕه‌ویی و پێشێلكردنی ئازادی راده‌ربڕین لەهەرێمی كوردستان.
لەوبارەیەوە، ڕووپاک احمد، ئەندامی فراكسیۆنی كۆمەڵی دادگەری و ئەندامی لیژنەی كاروباری یاسایی لەپەرلەمانی كوردستان بەپۆڵەتیك پرێسی راگەیاند، ئه‌وه‌ی ده‌گوزه‌رێت به‌رته‌سككردنه‌وه‌ی ته‌واوه‌تی ئازادییه‌كانه و كابینه‌ی نۆی حكومه‌تیش بووه به سیمبول و سیمای قۆرغكاریی و تاكڕه‌ویی و پێشێلكردنی مافی مرۆڤ و ئازادی راده‌ربڕین.
وتیشی، وەك ئەندامانی پەرلەمان داوا لەسەرۆكی هەرێم دەكەین لەبەرانبەر بڕیارەكەی دادگای تەمیز دەسەڵاتەكانی خۆی بەكار بهێنێت و لێبوردنی تایبەت بۆ سزادراوانی بادینان دەربكات.
وتەی پەرلەمانتاران لەكاتێكدا لەڕۆژی 16ی شووباتی ئەمساڵ دادگای تاوانەکانی دووی هەولێر لە دادگاییکردنی دەستگیرکراوانی بادیناندا هەریەک لە (ئه‌یاس ئه‌كره‌م، شێروان شێروانی، شڤان سه‌عید ، گوهدار زێباری و هاریوان عیسا) ی بە شەش ساڵ زیندانی سزادا.
بڕیارەکەش کاردانەوەی زۆر و جیاوازی بەدوای خۆیدا هێنا و لەلایەن تیمی پارێزەرانی سزادراوانەوە كۆتا تانەی لێدرا بەڵام ئەمڕۆ 27 حوزەیران، دادگای پێداچوونه‌وه جارێكی دیكە بڕیارەكەی دادگای تاوانەکانی دووی هەولێری بۆ سزای زیندانیكردنی رۆژنامه‌نووسان و چالاكوانانی بادینانی بە شەش ساڵ په‌سه‌ندكرد.
ئەوەش له‌كاتێكدابوو چاوه‌ڕوان ده‌كرا بڕیاری سزای زیندانیكردنی رۆژنامەنووسان وچالاكوانانی سنوری بادینان له به‌رژه‌وه‌ندی چالاكوانان بەهۆی فشارەكانەوە گۆڕانكاری بەسەردا بێت.
قەیوان گروپ
مایۆرکا سیتی جوانییەک لە دڵی سروشتدا
