پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
هەردوو فراكسیۆنی گۆڕان و یەكێتی لە ئەنجومەنی پارێزگای سلێمانی دەڵێن: هەردوو حیزبی دیاری ناو گۆڕەپانی خەباتی سیاسی بزوتنەوەی گۆڕان و یەكێتی نیشتمانی وەك هەستكردن بە بەرپرسیارێتی سیاسی و مێژوویی هەستان بەپێكهێنانی هاوپەیمانیەك بەناوی هاوپەیمانی كوردستان بۆ هەڵبژاردنی داهاتووی ئەنجومەنی نوێنەرانی عێراق كەئەم یەك لیستیە پێگەی كورد هەم لەبەغداو هەم لەهەرێم بەهێزترو سەنگینتر دەكات.
لە بەشێكی دیكەی بەیاننامەكەدا هاتووە، یەك لیستی بۆ كورد لەبەغدا زیاتر و باشتر مافە ڕەواكانی كورد مسۆگەر دەكات .
دەقی بەیاننامە هاوبەشەكەی فراكسیۆنەكانی (یەكێتی و گۆڕان) لە ئەنجومەنی پارێزگای سلێمانی:
هاونیشتمانیانی ئازیزی هەرێمی كوردستان وەك دەزانن چەن ساڵێكە خەڵكی بەشمەینەتی هەرێم بەكۆمەڵێ قەیران و نەهامەتی جۆراوجۆرا تێپەڕی و تاكو ئێستاش بەشێك لەو بارودۆخە نالەبارانە بەردەوامە كەیەكێك لەوانە كێشەكانی نێوان حكومەتی هەرێم و حكومەتی ناوەندە بۆیە ئەمڕۆ هەردوو حیزبی دیاری ناو گۆڕەپانی خەباتی سیاسی بزوتنەوەی گۆڕان و یەكێتی نیشتمانی وەك هەستكردن بە بەرپرسیارێتی سیاسی و مێژوویی هەستان بەپێكهێنانی هاوپەیمانیەك بەناوی هاوپەیمانی كوردستان بۆ هەڵبژاردنی داهاتووی ئەنجومەنی نوێنەرانی عیراق كەئەم یەك لیستیە پێگەی كورد هەم لەبەغداو هەم لەهەرێم بەهێزترو سەنگینتر دەكات بۆیە لێرەوە بەناوی هەردوو فراكسیۆنەكەوە پیرۆزبایی لەسەرجەم خەڵكی كوردستان دەكەین بۆ ئەم دەستكەوتە سیاسیەو داواكارین تەواوی دەنگ و ڕەنگە جیاوازەكانی كوردستان بەیەك لیست بەشداری هەڵبژاردنی داهاتوو بكەن كەهەموو دەزانین یەك لیستی بۆ كورد لەبەغدا زیاترو باشتر مافە ڕەواكانی كورد مسۆگەر دەكات .
ھیوای سەركەوتن بۆ ھاوپەیمانی كوردستان و ھیوای پابەندبوونی ھەردوولا بە وردەكاریەكانی ڕێكەوتنەكە دەخوازین .
دیارە ئەمە قۆناغێكی سیاسی نوێیە بەھیواین بچێتە خزمەتی ھاوڵاتیانی كورستان و باشتركردنی ژیان و گوزەرانی خەڵك.
ھیوادارین ھەموو ئەو كێشەو گرفتانەی كەهەبوون بكرێتە قوربانی خزمەتكردنی ھاوڵاتیان و خاكی ھەرێمی كوردستان ، دەست لەدەست پێكەوە دەسپێكێكی نوێی كاری هاوبەشی خزمەتگوزاری و گەڕانەوەی ئومێدو هیوا بۆ خەڵكی بەشمەینەتی ئەم هەرێمە بێتە ئاراوە.
فراكسیۆنەكانی (بزوتنەوەی گۆڕان) و (یەكێتی نیشتمانی كوردستان) لەئەنجومەنی پارێزگای سلێمانی
قەیوان گروپ
مایۆرکا سیتی جوانییەک لە دڵی سروشتدا
