پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وهزیری پێشمهرگهی هەرێم، داوا دهكات نهرویج رۆڵ و قهبارهی ههماههنگی و هاوكارییهكانی بۆ هێزی پێشمهرگهو زیاتر و فراوانتر بكات، دووپاتیشی دهكاتهوه، سهقامگیری و ئاسایشی عێراق و ههرێم و ناوچهكه پێویستی بهههماههنگی و هاوكاری ههمووانه.
بەگوێرەی راگەیەندراوێكی وەزارەتی پێشمەرگەی حكومەتی هەرێمی كوردستان ، شۆڕش ئیسماعیل وەزیری پێشمەرگە لەگەڵ رۆرا هۆجسداڵ، وهزیری راوێژكار و ههڵسورێنهری كاروبارهكانی نهرویج لهعێراق و كۆلۆنێل تۆرلیستا، مولحهقی سهربازی كونسوڵخانهی نهرویج لهئوردن و عێراق كۆبووەتەوەو تاوتوێی پڕۆژهو بهرنامهی نوێ، لهسەر پرسهكانی مهشق و راهێنانی پێشمهرگه و رێفۆرمی سهربازی لهوهزارهتی پێشمهرگه كراوە.
وەزیری پێشمەرگە رایگەیاندووە، ههنگاوهكانی وهزارهت و تیمی هاوپهیمانان له پێناو ئامادهسازی و پێكهوه كاركردنه بۆ روبهڕوبونهوهی تیرۆریستان و مهترسیهكانی تیرۆر لهناوچهكهدا.
ئاماژەی بەوەشكردووە، هێزهكانی نهرویج رۆڵی گرنگ و كاریگهریان لهمهشقپێدانی هێزی پێشمهرگه گێڕاوهو ئهو هاوكاریهنهش جێگەی بایهخی زۆری وهزارهتی پێشمهرگهیه.
هاوكات، وهزیری راوێژكارو ههڵسورێنهری كاروبارهكانی نهرویج لهعێراق رایگەیاندووە، بوێری هێزی پێشمهرگهی كوردستان له تێشكاندنی تیرۆریستان داعشدا بەرزدەنرخێنین و نەرویجیش بەردەوام دەبێت لە هاوكاری و پاڵپشتی بۆ هێزی پێشمهرگه لهچوارچێوهی كارو ئهركهكانی لە هاوپهیمانی نێودهوڵهتیدا.