کۆسرەت رەسوڵ پەیامێک لەبارەی کۆنگرەی پێشمەرگە دێرینەکان بڵاودەکاتەوە

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

کۆسرەت رەسوڵ عەلی، سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان پەیامێکی لەبارەی کۆنگرەی پێشمەرگە دێرینەکان بڵاوکردەوە و تیایدا پیرۆزبایی لەبەستنی ئەم کۆنگرەیە کرد و هیوای خواست دەرئەنجامەکانی لەخزمەتی پێشمەرگە دێرینەکاندا بن و زیاتر لەجاران داکۆکی لەمافەکانیان بکەن.

دەقی پەیامەکە:

بەڕێزان: ئەندامانی کۆنگرەی کۆمەڵەی پێشمەرگە دێرینەکان

بە خۆشحاڵیەکی زۆرەوە پیرۆزبایی بەستنی کۆنگرەی کۆمەڵەی پێشمەرگە دێرینەکانتان لێ دەکەم، هیواخوازم بەستنی کۆنگرە و دەرئەنجامەکانی لەخزمەتی پێشمەرگە دێرینەکان بێ و زیاتر لەجاران داکۆکی لەمافەکانیان بکەن.

هەڵگیرسانەوەی شۆڕشی نوێی گەلەکەمان بەرابەرایەتی یەکێتیی نیشتمانیی کوردستان و بەشداری هێز و لایەنە سیاسییەکان و خەباتکردن بۆ گەیشتن بە ئامانج و رزگارکردنی میللەتەکەمان لەچنگی رژێم، بەرهەمی خەبات و قوربانیدانی تێکۆشەرو قارەمانانی وەک ئێوەو هەڤاڵەکانتانە، ئەرکە لەسەر حکومەتی هەرێم و لایەنە پەیوەندیدارەکان باشترین خزمەتتان بکاو رێز لەخەبات و قوربانیدانتان بگرێت.

لەسەرەتای دامەزراندنی ئەم کۆمەڵەیە، ئامانجمان بوو کۆمەڵەیەک دروست بکەین داکۆکی لە خەبات و تێکۆشانی پێشمەرگە دێرینەکان بکا، وێستگەیەک بێ بۆ رێزگرتن لەتێکۆشەرانی گەلەکەمان و نەوە لەدوای نەوە رێز لەخەبات و قوربانیدانی تێکۆشەرانمان بگرن و سوود لەئەزموون و رابردووی گەشیان وەربگرن، داکۆکیکار بێ لەمافی ئەو پێشمەرگانەی لەپێناو کوردو کوردستان، لەپێناو گەیشتن بە ئامانج و ئاواتەکانی گەلەکەمان، لەپێناو بەرەنگاربوونەوەی زوڵم و زۆری داگیرکەران خۆشی ژیانیان جێهێشت و لەشاخە سەرکەشەکانەوە بەرگریان لەگەلەکەمان و دۆزەکەی دەکرد.

جارێکی تر پیرۆزبایی بەستنی کۆنگرەتان لێدەکەم و هیوای سەرکەوتنتان بۆ دەخوازم.

قەیوان گروپ

 


مایۆرکا سیتی جوانییەک لە دڵی سروشتدا