عێراق و تورکیا لەسەر دۆسیەی ئاو کۆدەبنەوە

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

وەزارەتی سەرچاوە ئاوییەکانی عێراق رایگەیاند، شاندێکی وەزارەت بەسەرۆکایەتی مەهدی رەشید حەمدانی وەزیری سەرچاوە ئاوییەکان بەمەبەستی تاوتوێکردنی دۆسیەی ئاو سەردانی تورکیا دەکات.

حەنان حسێن، بەڕێوەبەری ناوەندی توێژینەوە و نەخشە ئەندازەییەکانی وەزارەت ئەوەی خستەڕوو، ئامانجی سەردانەکەی ئەم شاندە تاوتوێکردنی دۆسیەی دابەشکردنی ئاوە لەنێوان تورکیا و عێراق و کێشەکانی پەیوەست بەو دۆسیەیە.

بەر لەسەردانەکەش، کۆبوونەوەیەک لەنێوان باڵیۆزی تورکیا لەعێراق و وەزارەتی سەرچاوە ئاوییەکاندا بەڕێوەچووە و بەپێی زانیارییەکانی حەنان حسێنیش ئەنجامی سەردانەکە لەبەرژەوەندی عێراق دەبێت و رێککەوتنێکی “باش”یش لەمیانی سەردانەکەدا دەکرێت.

پێشتریش مەهدی رەشید حەمدانی باسی لەوەکرد، گۆڕانی گەورە لەسیاسەتی تورکیا بەرانبەر عێراق هەیە لەبارەی دۆسیەی ئاو و لەسەردانەکانی پێشووی سەرۆک کۆمار و سەرۆک وەزیران و سەرۆکی پەرلەماندا درک بەو گۆڕانە کراوە.

وتیشی: عێراق هەوڵ دەدات ناوەندی توێژینەوەی هاوبەش لەگەڵ تورکیا لەبەغدا دابمەزرێنێت و تورکیاش قایلە بەوەی بارەگای ناوەندەکە لەبەغدا بێت.

پەخشی راستەوخۆی رادیۆ پۆلەتیک