کۆمیسیۆن: ئەو کاندیدانەی دەکشێنەوە ناتوانن بگەڕێنەوە ناو هەڵبژاردنەکان

پۆڵەتیک پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress 

کۆمیسیۆنی باڵای سەربەخۆی هەڵبژاردنەکانی عێراق ڕایگەیاند، ڕێکاری یاسایی بەرامبەر ئەو کەسانە دەگرێتەبەر کە پڕوپاگەندە و دەنگۆ سەبارەت بە کارەکانی بڵاو دەکەنەوەو گومان لەبارەی کارەکانی کۆمیسیۆنەکە دروست دەکەن.

کۆمیسیۆنەکە ئەمڕۆ یەکشەممە 20 ی حوزەیرانی 2021، ڕاگەیەندراوێکی بڵاوکردەوەو دڵنیایی بە شەقامی عێراقی و دەنگدەران و کۆمەڵگەی نێودەوڵەتی و ئەو کەسانە دەدات کە گرنگی بە پرۆسەی هەڵبژاردن دەدەن، کە پرۆسەی هەڵبژاردن بە پاک و بێگەردی بەڕێوە دەچێت و هەموو کارێک دەکات کە پرۆسەکە بە سەرکەوتوویی بەڕێوەبچێت.

هاوکات کۆمیسیۆن لە ڕاگەیەندراوەکەیدا ئاماژە بەوەش دەکات، ئەو کاندیدانەی لە پرۆسەی هەڵبژاردن دەکشێنەوە بەهیچ شێوەیەک ناتوانن بگەڕێنەوە ناو پرۆسەکە و بەهیچ شێوەیەکیش تۆمارکردنی کاندیدی نوێ ئەنجام نادرێت”.

ئەمڕۆ شەممە 20 ی حوزەیرانی 2021، ئەو وادەیەی کۆمیسیۆن کۆتایی هات کە بۆ کشانەوەی کاندیدان لە هەڵبژاردنەکەی عێراق دیاریکردبوو.

بڕیارە ڕۆژی ١٠ ی تشرینی یەکەمی ئەمساڵ هەڵبژاردنی پێشوەختە لە عێراق بەڕێوەبچێت.

پەخشی راستەوخۆی رادیۆ پۆلەتیک