پۆڵەتیك پرێس
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وتەبێژی وەزارەتی تەندروستی حكومەتی هەرێم دەڵێت، لەگەڵ وەزارەتی دارایی لەسەر هێڵن بۆ چارەسەركردنی كێشە داراییەكانی نەخۆشخانەی هیوا و پێدەچێت لە زووترین كاتدا كێشەكان چارەسەر ببن.
ئاسۆ حەوێزی، وتەبێژی وەزارەتی تەندروستی حكومەتی هەرێم بە پۆڵەتیك پرێسی راگەیاند: وەزیری تەندروستی لەگەڵ وەزارەتی دارایی لەسەر هێڵە بە مەبەستی چارەسەركردنی كێشە داراییەكانی نەخۆشخانەی هیوا و ئومێد دەكەین لە چەند رۆژی داهاتوو ئەو كێشەیە چارەسەرببێت.
وتەبێژی وەزارەتی تەندروستی وتی: جگە لە كێشەی شایستە دراییەكانی كارمەندان و پزیشكانی نەخۆشخانەی هیوا، كێشەی پارەی ئەو كۆمپانیایانەمان هەیە كە دەرمان دەدەن بە نەخۆشانی شێرپەنجە لە نەخۆشخانەكانی ئێمە بە شێوەیەكی گشتی، ئەو كێشەیەش لە چارەسەركردندایە.