لەتورکیا فەرمانبەرێکی هەدەپە کوژرا

پۆڵەتیک پرێس

لەهێرشێکی چەکداریدا بۆسەر بارەگای پارتی دیموکراتی گەلان لەتورکیا، ژنە فەرمانبەرێکی پارتەکە گیانی لەدەستدا.

ئەمڕۆ پێنجشەممە پارتی دیموکراتی گەلان رایگەیاند، چەکدارێک چووەتە ناو بینای پارتەکەیان لەئیزمیر و دەستیکردووە بە تەقەکردن و ویستوویەتی ئاگر بەربداتە نوسینگەکەیان.

بەپێی ئەو زانیارییانەی بڵاوکراونەتەوە، فەرمانبەرێکی نوسینگەکە گیانی لەدەستداوە و پۆلیسی تورکیاش ئەو چەکدارەیان دەستگیرکردووە کە هەڵیکوتاوەتەسەر بیناکە و هەوڵی سوتاندنی داوە.

پارتی دیموکراتی گەلان کە دووەم گەورەترین پارتی ئۆپۆزسیۆنی تورکیایە، بەبەردەوامی لەلایەن حکومەتەوە دژایەتی دەکرێت و چەندین ئەندام و سەرکردەی ئەو پارتە لەلایەن دەسەڵاتەوە دەستگیرکراون و ئەشکەنجەدراون.

پەخشی راستەوخۆی رادیۆ پۆلەتیک