خوێندكارێك دوای پەڵپ گرتن، لەدەرنەچووەوە بووە یەكەمی پەروەردەی كۆیە

پۆلەتیك پرێس: كەنار ئازاد

لیژنەی ئەزمونەكانی پەروەردەی كۆیە رایگەیاند، دوای پەڵپ گرتنی خوێندكارێك لە وانەی كوردیدا دەركەوت ئەو خوێندكارە لەو وانەیەدا لەبری 32 نمرەی 100 بەدەستهێناوە، بەوەش لەسەر ئاستی پەروەردەی كۆیە پلەی یەكەمی بەدەستهێنا.

لیژنەكە لە راگەیەنراوێكدا ئاماژەی بەوەكردووە، ئەمڕۆ سێ شەممە دوای وەرگرتنەوەی پەڵپی خوێندكار كەژاڵ شێركۆمحمەد لە ئامادەیی قەرەناو لەزمانی كوردی، دەركەوت هەڵەی تەكنیكی هەبووەو دوای گۆڕینی گروپەكەی لەلایەن لیژنەی ئەزموونەكانەوە كێشەكەی بۆ چارەسەركرا.

ئەوەشخراوەتەڕوو، دوای چارەسەری كێشەكە نمرەی وانەی زمانی كوردی لە ٣٢چاككرا بۆ ١٠٠ ، بەمهۆیەشەوە پلەی یەكەمی لەسەر ئاستی پەروەردەی كۆیە لەبەشی وێژەیی بەدەستهێنا بەكۆنمرەی ٦٣٨ كە دوو نمرەی لە خوێندكارە یەكەمەكەی پێشتر زیاترە.

 

پەخشی راستەوخۆی رادیۆ پۆلەتیک