لیژنەی دارایی پرسی موچە تاوتوێ دەكات

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بڕیارە ئەمڕۆ دوو شەممە وەزیری دارایی حكومەتی هەرێم بۆ ڕوونكردنەوە لەسەر پرسی موچە و لێبڕینی موچە بچێتە پەڕلەمانی كوردستان.

زیاد جەبار، سەرۆكی لیژنەی دارایی لەپەرلەمانی كوردستان بەپۆڵەتیك پرێس-ی راگەیاند: “هاتنی وەزیری دارایی بەشێكە لە كاری پەڕلەمانی و لەسەر داوای لیژنەی دارای بووە بۆئەوەی لەچوارچێوەی یاسای چاكسازی چەند پرسیارێك رووبەرووی ناوبراو بكەینەوە و رونكردنەوەمان لەسەر چەند پرسێك پێبدات”.

وتیشی “جگە لەوەش كە میوانداری وەزیری دارایی كراوە، وەك لیژنەكە دوو نوسراومان داوەتە سەرۆكایەتی پەرلەمان كە هەریەكەیان لەلایەن ژمارەیەك پەرلەمانتارەوە واژۆ كراوە داوامانكردووە حكومەت بێتە پەرلەمان لەسەر دۆخی دارایی و پرسی موچە و لێبڕینی رونكردنەوە بدات”.

ئەمە لەكاتێكدایە، لەماوەی ڕابردووشدا لیژنە دارایی پەرلەمانی كوردستان لەسەر راپۆرتی دووەمی چاكسازی حكومەت، میوانداری وەزیری ناوخۆ، پێشمەرگە و شەهیدانی كرد.