هاوپەیمانی نێودەوڵەتی بە بەهای سێ ملیۆن دۆلار چەک بە پێشمەرگە دەدات

ئەم بابەتە 35 جار بینراوە

پۆڵەتیک پرێس

هێزی پێشمەرگەی هەرێمی کوردستان بە بەهای زیاتر لە سێ ملیۆن دۆلار چەکی لە هاوپەیمانان وەرگرت.

بەپێی ڕاگەیەندراوێک کە ئەمڕۆ پێنجشەممە ١٠ ی حوزەیرانی ٢٠٢١ هاوپەیمانی نێودەوڵەتی بڵاویکردەوە، ” هێزەکانی هاوپەیمانان بە بەهای سێ ملیۆن و ٣٢٢ هەزار دۆلار چەک و پێداویستی سەربازی ڕادەستی هێزەکانی پێشمەرگە کردووە”.

لە ڕاگەیەندراوەکەدا هاوپەیمانان ئاماژەی بەوە کردووە، ” ڕادەستکردنی ئەم کەرەستانە بۆ یارمەتیدانی عێراقە لە ڕووبەڕووبوونەوەی داعش و بەشێکە لە پرۆگرامی سندوقی ڕاهێنان و ئامادەکاری بۆ ڕووبەڕووبوونەوەی داعش”.

ئەم پرۆگرامە کە لە ساڵی ٢٠١٤ وە جێبەجێ دەکرێت لەسەر بودجەی وەزارەتی بەرگری ئەمریکایە.

پەخشی راستەوخۆی رادیۆ پۆلەتیک