پۆڵەتیك پرێس
وتەبێژی وەزارەتی خوێندنی باڵاو توێژینەوەی زانستی رایگەیاند، وەزارەتەكەیان بڕیارێكی لەبارەی لە بەرژەوەندی سێ یەکەمەکانی زانکۆکان دەركردووە بۆ خوێندنی ماستەر داشكاندنیان بۆدەكات.
عەباس ئەكرەم، وتەبێژی وەزارەتی خوێندنی باڵا و توێژینەوەی زانستی بەپۆڵەتیك پرێسی راگەیاند، وەزارەتەكەیان بڕیاریداوە لە خوێندنی ماستەر بۆ ساڵی (2019- 2020) کە لە زانکۆکان وەرگیراون بەشێوازی پارالێل، یەکەمەکان بە ڕێژەی (75%) و دووەمەکان بەڕێژەی (50% ) و سێیەمەکان بەڕێژەی (30% ) لە کرێی خوێندنی ساڵی دوەمیان دادەشکێنرێت.
عەباس ئەكرەم، وتیشی، بڕیارەكە بەمەبەستی هاندان و پاڵپشتی کردنی سێ یەکەمەکان زانکۆ حکومیەکانی کوردستان کە تاکو ئێستا دانەمەزراون.
ئاماژەی بەوەشكرد، وەزارەتی خوێندنی باڵا بڕیاریشداوە بە، کردنەوەی خوێندنی ماستەری پیشەیی (MBA)، دکتۆرای پیشەیی (DBA) و سەنتەری خوێندنی پیشەیی یەک ساڵە بۆ دەرچوانی خوێندنگە ئامادەییە زانستی و وێژەییەکان و پەیمانگا پێنج ساڵییەکان، لە زانکۆ پۆلیتەکنیکییەکانی کوردستان.